Ka mihia e Ngā Pirihimana te kanorautanga, ā, e mōhio ana me aha mātou ki te hiahia kia hanga pērā i ō mātou hapori. E kōkiri ana Ngā Pirihimana ki te tipu i te āhuahanga o te iwi Māori ki roto, puta noa i te tōpūtanga hoki.
Nā te tipu o te kanorau, ka whāngaihia anō ngā tini whakaaro, aronga kia kōrerotia, kia auahatia e pai ai te tuku o ā mātou ratonga mō te iwi Māori.
Ka mihia ko te āheitanga kia mārama, kia hīkoi māia i Te Ao Māori. Mēnā e hiahia ana koe kia tū hei pirihimana, tēnā whakapā mai ināianei mā tā mātou paetukutuku pirihimana hou i konei!
E rapu ana mātou i ētahi kaihautū taitamariki he whai:
- mana
- pūkenga whakawhitiwhiti kōrero
- ngākau aroha
- māramatanga ki te reo me ngā tikanga.
He tino pūkenga matua ēnei hei kaupare i te hara, i ngā tukinga waka me ngā mahi takakino tangata i ō tātou hapori.
E ai ki ngā rangahau ko te pūtake e whakauru mai ai he taiohi Māori ki ngā Pirihimana, ko te aroha ki tō rātou hapori me te rangatahi.
- Neke atu i te 100 ngā iwi me ngā momo tāngata kei roto i ngā Pirihimana.
- 10.9 ōrau o ngā kaimahi Pirihimana ka kī he Māori rātou (Pipiri 2012).
- Nā ngā kōkiri kia uru mai he Māori ka piki te tokomaha o ngā āpiha pirihimana Māori mai i te 2002 ki te 2012, mā te 31 ōrau.
Ki te hiahia koe ki te whakauru hei āpiha pirihimana
Ki te hiahia koe ki te whakauru mai i a koe, kotahi anō te hipanga tuatahi, me peka mai ki te pae tukutuku o ngā Pirihimana New Cops.
Ka whakawātea Te Wānanga o Aotearoa i tētahi kaupapa whakangungu i ngā tauhou, mō te hunga kāore anō kia rite mō te kōkiri i tā rātou whakauru mai. Peka atu ki tō rātou pae tukutuku ki STAR Police Preparation.
Rapua he tangata e mahi ana mō ngā Pirihmana. Kimihia ō rātou whakaaro mō te mahi hei Pirihimana, he pēhea hoki te mahi, - whakapā mai ki tō Takawaenga ā-Iwi Ā-Rohe