Auckland daily compliance update
Kei te whakamaumahara Ngā Pirihimana i te marea he herenga ngangahu kua whakaturengia mō ērā e hiahia ana kia whakawhiti i ngā aukatinga pae mataara.
Kua tautuhia e Ngā Pirihimana kei ngā tūnga aukati o te raki me te tonga o Tāmaki Makaurau ngā tāngata e whakamātau tinihanga nei i ēnei ture.
I te Mane, i whakamātauria e tētahi tāne te uru atu ki te rohe o Tāmaki Makaurau e kerēme ana ko tāna he whiwhi i te whakahau rongoā nō te kēmihi.
I pātaitia ētahi pātai me te kēmihi ko tōna tikanga e haere ana te tangata, heoi, kāore tēnei i te tika.
I whakanautia te tāne.
He tini tauira anō hoki kei te tūnga aukati o te raki kua tautuhingia e Ngā Pirihimana e āhei ana ngā tāngata te whakamātau i ngā ture.
Mō tētahi o ngā hara, i mauheretia tētahi wahine e 33 ōna tau i muri iho i tōna kitenga ki Whangārei i te 6 o Hepetema.
Tuatahi mai, i whakanautia te wahine ki tētahi tūnga aukati e whakamātau ana kia wehe i Tāmaki Makaurau, ā, i muri mai, ka kitea ia ki Whangārei muri iho i tōna haere ki kāinga matatapu kē e karo ai te tūnga aukati.
Kua hāmenetia ia mō te hinganga kia whai i te Health Order, ā, ka puta ia ki te kōti ā-rohe o Whangārei hei te 23 o Hepetema.
I mauheretia anō e Ngā Pirihimana tētahi tāne e 25 ōna tau nōna i takahi i ōna utunga here. I whakakoiatia i haere te tāne mā te tūnga aukati o te raki nō Tāmaki Makaurau, ā, ki roto o Te Tai Tokerau i muri iho i tōna kerēme rūkahu ki ngā āpiha kua tīnihia ōna utunga here.
Kua hāmenetia ia me te hinganga kia whai i te Health Order, ā, ka puta ia ki te kōti ā-rohe o Papakura hei te 4 o Oketopa.
Ka haere tonu Ngā Pirihimana me te pātai atu ki ngā kaitaraiwa e hāereere ana ki roto, ki waho hoki i ēnei tūnga aukati.
Ko tā mātou karere, kāore ō mātou manawanui mō ngā tāngata e āta whakamātau kia karo i ngā herenga.
Ki te kimihia koe e āta takahi nei i ngā herenga, he kōwhiringa kei reira kia mauheretia koe e Ngā Pirihimana.
Ko ēnei whakamātau āu, kāore e kore he mea whakariri te nuinga o ngā tāngata o Tāmaki Makaurau e hāngai puku ana kia whāia te tika.
I tae ā-tinana hoki Ngā Pirihimana ki tētahi hara āwangawanga ki te Pak N Save o Takanini kei reira tētahi āpiha whakahaumaru kua patungia muri iho i te whakanau o tētahi wahine kia mau maruhā.
I pukuriri ia ki te āpiha whakahaumaru nōna i tuku i te maruhā. I wehe te wahine i te toa, ā, i hoki mai ki te toa hokomaha me ētahi tāne e rua.
Kua whakapaetia i patu te wahine i te āpiha whakahaumaru,ā, i whai ngā tāne e rua i a ia me ngā rākau. I waeatia Ngā Pirihimana, ā, i mauheretia kia rua ngā tāngata tata rawa ki te wāhi tūkino.
Kua hāmenetia tētahi wahine e 26 ōna tau mō te patu tangata, ā, i whiwhi whaine ia mō te kore mau maruhā.
Kua hāmenetia anō hoki tētahi tāne e 33 ōna tau, kua whakatapungia me te kōti Mangu Kaha me tētahi rākau.
Kua kawatau me puta rāua ki te kōti ā-rohe o Manukau hei tētahi rangi e whai mai ana. Ka whakataki Ngā Pirihimana i ngā hikoi whakahaumaru ki te toa hokomaha i tēnei rā me te whakatūturu he āwhina e wātea ana mō te pārurenga kei tēnei take.
Kāore mātou Ngā Pirihimana i te manawanui mō tēnei momo mahi parawai, inā noa atu mō ngā kaimahi waiwai e haere ana me ā rātou mahi kia kaua rātou e tāpapa ki ēnei momo mahi.
Whakawhanaketanga mō ngā tūnga aukati
Nō te 11.59pm inanahi nei, e 102,075 te katoa o ngā waka i whakatūngia kei ngā tūnga aukati e tekau (10) ki te raki me te tonga o Tāmaki Makaurau nō te 11.59pm 31 o Ākuhata.
E 83,332 ngā waka kua whakatūngia ki ngā tūnga aukati e rima ki te tonga. E 972 o ērā i panaia mō te hāereere mō te kore noa iho, e 131 o ērā nō nānahi nei.
Ki ngā tūnga aukati e rima o te raki, kua noho ki reira nō te wā i heke a Te Taitokerau ki te pae mataara 3 i te 11:59pm 2 o Hepetema, e 18,743 kua whakatūngia.
O ngā waka e 295 kua panaia mō te hāereere mō te kore noa iho, e 32 nō nānahi nei.
He Whakawhanaketanga tūtohu mō Tāmaki Makaurau
Nō te tīmatanga o te pae mataara tuawhā (4), ki Tāmaki Makaurau, kua hāmemetia e 73 ngā tāngata me te katoa o ngā hara e 77 nō nanahi nei i te 5pm (13 Hepetema 2021).
Mō ēnei hāmene, e 61 mō te hinganga o te tangata kia ū ki te ōta (Kowheori-19), e 13 mō te hinganga o te tangata kia ū ki ngā tika/rāhui/aukatinga, kotahi (1) mō te hinganga o te tangata kia tū (e hāngai ana ki te Kowheori-19), ā, e rua (2) mō te patu/whakawehi/whakararu i te āpiha uruhi.
I taua wā tonu, i whakatūpatongia e 165 ngā tāngata mō te hia nei hara.
Mohoa noa nei, kua whiwhi Ngā Pirihimana e 8,103 te katoa o ngā whakamōhiotanga takahi tuihono-105 e hāngai ana ki ngā pakihi, ngā huihuinga me ngā tāngata rānei ki roto i a Tāmaki Makaurau.
KA MUTU
Auckland daily compliance update
Police are reminding the public that there are clear requirements in place for anyone intending on crossing an Alert level boundary.
This comes as Police on Tāmaki Makaurau’s northern and southern boundaries have identified some instances where people are openly trying to flout these rules.
On Monday, a man attempted to enter the Auckland region claiming to be going to collect a prescription from a pharmacy.
Enquiries were made with the pharmacy he was reportedly driving to and this was not the case. The man was refused entry.
There have also been several instances at the northern boundary where people have come to Police attention trying to get around the rules.
In one incident, a 33-year-old woman was arrested after being located in Whangārei on 6 September.
The woman was initially turned around at a checkpoint attempting to leave Auckland and was subsequently been located in Whangārei after allegedly travelling on private property to avoid the checkpoint.
She has been charged with Failing to comply with the Health Order and is due to appear in the Whangārei District Court on 23rd September.
Police also arrested a 25-year-old man who was stopped on SH1 in Kauri and found to be in breach of his bail conditions.
It was established that the man had driven through the northern checkpoints from Auckland and into Northland after allegedly claiming to have changed his bail conditions and deliberately misinforming the officers.
He has been charged with Failing to comply with the Health Order and will be appearing in the Papakura District Court on 4th October.
Police will continue to question motorists travelling in and out of these checkpoints. Our message is that there no tolerance for people deliberately attempting to ignore the restrictions.
If you are found to be deliberately breaching restrictions, prosecution remains an option for Police.
These attempts will also be incredibly frustrating for the majority of Aucklanders who are continuing to work hard doing the right thing.
Police also attended a concerning incident at Takanini Pak N Save where a security guard was assaulted after a woman refused to wear a face covering.
She became aggressive at the guard when she was offered a face covering. The woman left the store and later returned to the supermarket with two other men.
The woman allegedly punched the guard and the two men chased the guard with weapons.
Police were called and arrested two people in the nearby area.
A 26-year-old woman has been charged with assault and was also issued an infringement for failing to wear a face covering.
A 33-year-old man, a patched Black Power member, has also been charged with assault with a weapon. Both are expected to appear in the Manukau District Court at a later date.
Police will be conducting reassurance patrols at the supermarket today and to ensure there is support available for the victim in this matter.
Police have no tolerance for this behaviour, particularly towards essential workers going about their work who should not have to tolerate this kind of act.
Checkpoint update:
As of 11.59pm yesterday, a total of 102,075 vehicles have now been stopped at the 10 checkpoints on Auckland’s northern and southern boundaries since 11.59pm on 31 August.
83,332 vehicles have been stopped at the five southern checkpoints.
Of these, 972 were turned away for non-essential travel, including 131 yesterday.
At the five northern checkpoints, which have been in place since Northland dropped to Alert Level 3 at 11:59pm on 2 September, 18,743 vehicles have been stopped.
Of those, 295 vehicles were turned away for non-essential travel, including 32 yesterday.
Tāmaki Makaurau compliance update
Since Alert Level 4 came into place, in Tāmaki Makaurau 73 people have been charged with a total of 77 offences as at 5pm yesterday (13 September 2021).
Of these, 61 are for Failing to Comply with Order (COVID-19), 13 for Failure to Comply with Direction/Prohibition/Restriction, one for Failing to Stop (COVID 19-related), and two for Assaults/Threatens/Hinders/Obstructs Enforcement Officer.
In the same time period, 165 people were formally warned for a range of offences.
To date, Police have received a total of 8,103 105-online breach notifications relating to businesses, mass gatherings or people in Tāmaki Makaurau.
ENDS
Issued by Police Media Centre
Hei whakanui i te Wiki o Te Reo Māori, Ka te whakaputaina e Ngā Pirihimana o Aotearoa ētahi kawepūrongo pāpaho i roto i te reo Māori. Ka whakamāorihia ēnei e ētahi kaiwhakamāori. Me tiro ngā mea e rua e tino mārama ai koe ki ngā kupu ā-ture, ā-kaupapa hoki.
New Zealand Police are issuing some press releases in te reo as part of our celebration of Te Wiki o Te Reo. All releases have been translated using accredited translators. We recommend consulting both the te reo translation and original English versions for greatest clarity regarding the use of any legal or technical terms.