Te Kimi Tāngata Māori hei Pirihimana

Translate into English

E ngana ana ngā Pirihimana ki te kimi i tōna matahuhuatanga o ngā taiohi o Aotearoa, otirā e tino hiahiatia ana he wāhine, he Māori, he Pasifika, he Īnia, he Āwherikana, he Āhia anō hoki, hei pirihimana. Hei āwhina tēnei i te whakatutuki a ngā Pirihimana i ngā hiahia o ngā tāngata katoa o Aotearoa.

E rapu ana mātou i ētahi kaihautū taitamariki he whai:

  • mana
  • pūkenga whakawhitiwhiti kōrero
  • ngākau aroha
  • māramatanga ki te reo me ngā tikanga.

He tino pūkenga matua ēnei hei kaupare i te hara, i ngā tukinga waka me ngā mahi takakino tangata i ō tātou hapori.

E ai ki ngā rangahau ko te pūtake e whakauru mai ai he taiohi Māori ki ngā Pirihimana, ko te aroha ki tō rātou hapori me te rangatahi.

  • Neke atu i te 100 ngā iwi me ngā momo tāngata kei roto i ngā Pirihimana.
  • 10.9 ōrau o ngā kaimahi Pirihimana ka kī he Māori rātou (Pipiri 2012).
  • Nā ngā kōkiri kia uru mai he Māori ka piki te tokomaha o ngā āpiha pirihimana Māori mai i te 2002 ki te 2012, mā te 31 ōrau.

Ki te hiahia koe ki te whakauru hei āpiha pirihimana

Ki te hiahia koe ki te whakauru mai i a koe, kotahi anō te hipanga tuatahi, me peka mai ki te pae tukutuku o ngā Pirihimana New Cops.

Ka whakawātea Te Wānanga o Aotearoa i tētahi kaupapa whakangungu i ngā tauhou, mō te hunga kāore anō kia rite mō te kōkiri i tā rātou whakauru mai. Peka atu ki tō rātou pae tukutuku ki New Zealand Certificate in Career Preparation (Police).

Rapua he tangata e mahi ana mō ngā Pirihmana. Kimihia ō rātou whakaaro mō te mahi hei Pirihimana, he pēhea hoki te mahi, - whakapā mai ki tō Takawaenga ā-Iwi Ā-Rohe