Monday, 6 December 2021 - 3:18pm |
Bay of Plenty

New police base in Tāneatua gets underway

8 min read

News article photos, audio and videos (1 items)

A visual representation of the new Tāneatua police base. The site has been blessed and work is getting underway.

Work is about to start on Tāneatua’s new police base – now the hunt is on to find someone to design an artwork to sit in front of the base.

Police has appointed Vivian Construction to build the base, which has been designed to reflect the valleys of the local area. A blessing of the site has been held and work onsite will now get underway.

Eastern Bay of Plenty Area Commander Inspector Stuart Nightingale says appointing the contractor and getting work underway on the site is a significant step.

“The community has been involved in this project since the very beginning and we know how important this police base is to them. Vivian Construction is working on opportunities for the community to be involved with parts of the build process which is really exciting.”

Inspector Nightingale says the artwork installation, which will sit outside the base, is another key opportunity, with expressions of interest now open.

“Right from the outset, this rebuild has been about getting a facility that really fits the area. We’ve worked incredibly hard on a design that is unique and that will reflect the community it sits in and their aspirations.

“This piece – whether it be a sculpture, carving or something else – is another way to ensure the special essence of the community is reflected in this police base. I’m confident it’s going to be unlike any other police building and I’m really excited to see what designs people come up with.”

Throughout the process New Zealand Police has worked alongside our community partners, including Ngāi Tūhoe, embracing the themes which came from the local community around connection, protection and presence.

“We want to see these themes, as well as our police values, reflected in the chosen design. The judging panel will be looking for a piece of art that builds on the unique design of the building, draws on the collaboration with the community and reflects the role of Police within the community and the outcomes Police is trying to achieve.”

The selected artist will get $10,000 to produce their piece. The invitation is open to all artists, however connection to the rohe and community is important to the project and the judging panel will consider a tie to the community as an advantage.

Meanwhile, Vivian Construction commercial director Matt Vivian says the company too will consider ways to engage the local community.

“In the past we have engaged in the local community to help deliver these projects in various capacities from labouring and earth brick building to placing locals with contractors to carry on into apprenticeships. There are a number of areas we would love to engage the community in on this one.”

For more information on Expressions of Interest for the artwork, see the Police website, Bay of Plenty and Taupo Police Facebook page or email jasmin.danby@police.govt.nz for more details.

Te Reo Māori

Ā kō tonu ake nei tīmata ai te hanganga o te papa taunga pirihimana hou i Tāneatua - ināianei kei te kimihia he tangata ki te auaha i tētahi mahi toi kia noho ki mua i te papa taunga.

Kua kopoua a Vivian Construction e Ngā Pirimana ki te hanga i te papa taunga, e whakaatu ana i ngā whārua o te rohe. Kua karakiahia te wāhi, ā, ka tīmata ngā mahi ināianei.

Hei tā Toihau Kaititiro Stuart Nightingale Kaihau o Te Rohe o te Rāwhiti o Te Moana-a-Toi, he kokenga nui te kopou i tētahi kaikirimana me te tīmata i ngā mahi.

“Nō te tīmatanga o ngā mahi kua whai wāhi atu te hapori ki tēnei kaupapa, ā, kei te mōhiotia, he pērā rawa te whakahirahira o te whare ki a rātou. Kei te whai a Vivian Construction i ētahi āheinga mō te hapori e uru atu ai rātou ki ngā wāhanga o te hanganga, kia pai mai hoki.”

Hei tā Kaititiro Nightingale, he whiwhinga nui te puninga nui ka noho ki waho o te papa taunga ā, kei te tuwhera ngā tono whakapuakanga ngākaunui ināianei.

Mai rānō ko te tikanga o tēnei whakahou, kia noho māori i te rohe. He nui tā mātou mahi ki te auaha i tētahi tauira motuhake, e whakaatu hoki i te hapori e noho nei te whare, me ō rātou moemoeā.

“Ko tēnei taonga - tārai mai, whakairo mai, aha atu rānei - he ara anō e rongo ai i te mauri o te hapori ki tēnei papa taunga. Kei te ngākau titikaha ahau, kāore he whare pirihimana pēnei i tēnei, ā, e tino hīkaka ana ahau ki te kite i ngā mahi toi ka auahatia.”

Kua mahi tahi Ngā Pirihimana o Aotearoa puta noa i tēnei tukanga ki ō mātou hoa hapori, ehara tonu ko Ngāi Tūhoe, e mau nei i ngā kaupapa i ahu mai i te hapori e pā ana ki te hononga, te manaaki, me te kanohi kitea.

“Kei te hiahia mātou ki te kite i ēnei kaupapa, otirā ā mātou uara pirihimana e whakaaturia ana i te mahi toi ka tīpakohia. Ko tā te kāhui kaiwhiriwhiri e whai nei, he mahi toi ka rāwekehia te motuhaketanga o te whare, ka whakaaturia te mahi tahi ki te hapori, me te mahi a Ngā Pirihimana i roto i te hapori, otirā ngā hua e pīrangihia e Ngā Pirihimana te whai.”

Ka whakawhiwhia te ringatoi ka tīpakohia ki te $10,000 ki te whakaputa i tā rātou mahi. Mā ngā ringatoi katoa tēnei tono, engari, he huanga nui ki te kāhui kaiwhiriwhiri, te whai hono ki te rohe me te hapori,

Hei tā Matt Vivian, kaiwhakahaere hokohoko o Vivian Construction, ka whāia hoki e te kamupene ngā āheinga kia whai wāhi ai te hapori.

I ngā wā o mua, kua mahi tahi mātou ki te hapori ki te whakatutuki i ēnei kaupapa, mai i te mahi, te hanga piriki me te whai wāhi atu o ngā tāngata o te hapori ki ngā mahi hei pia.  He nui ngā wāhanga e hiahia ana mātou kia whai wāhi atu te hapori ki tēnei kaupapa.

Ki te kimi i ētahi kōrero anō mō te Puka Whakapuakatanga Ngākaunui mō te mahi toi, tirohia te pae tukutuku o Ngā Pirihimana, te whārangi Pukapuka o Ngā Pirihimana o Te Moana-a-Toi me Taupō, īmēra atu rānei ki jasmin.danby@police.govt.nz mō ētahi atu kōrero.

Te Reo Māori – Tuhoe dialect

Kua hīmata ngā whakanekeneke ki te hana i te whare pirihimana hou ki Tāneatua – Heoi anō, kei te kimihia tētahi tanata rinatoi hai mahi toi ka iri ki mua i te papa tauna.

Kua tohua ko Vivian Construction nā kaiwaihana i te papa tauna, ko tana mahi kia rite te mauri o te whare ki tō tēnei rohe. Kua whakawātea te whenua, ā, me tīmata nā mahi i nāia nei.

E ai ki a Toihau Kaititiro Stuart Nightingale Kaihautū o Te Rohe Rāwhiti o Te Moana-a-Toi, he mahina nui tēnei.

“Mai i te tīmatana i whai wāhi te hapori ki roto i tēnei kaupapa, he pērā rawa te whakahirahira o te whare nei ki a rātou. Kei te whaiake a Vivian Constructions i ētahi āheina mō te hāpori kia uru atu ai rātou ki ia wāhana o tēnei mahina nui.”

Hei tā Nightingale, he whiwhinga mahi toi tēnei mō tēnei hāpori, ā, ka iri ki waho o te papa tauna ā, kei te tuwhera nā tono e nākaunui ana ki tēnei mahi.

Mai rānō ko te tikana o tēnei wharehou, kia noho māori tōna āhua. He whakaaro nui ki a motuhake tōna hana, e whakaatauira ai i nā moemoeā o tēnei hapori.

“Ko tēnei mahi toi – tārai mai, whakairo mai, aha atu rānei - he tohu whakatūturu anō i te mauri o te hapori ki tēnei papa tauna. E ai ki a Nightingale, kei te nākau titikaha ahau, kāore he whare pirihimana pēnei i tēnei, ā, kei te tino hīkaka ki te kite i nā mahi toi ka puta mai.”

Kei te mahi tahi Nā Pirihimana o Aotearoa me Nāi Tūhoe puta noa i tēnei tukana, e mau tonu ki nā manako i ahu mai i te hapori e pā ana ki te honona, te manaaki, me te kanohi kitea.

“Kei te hiahia mātou ki te kite i ā mātou uara pirihimana e whakaaturia ana i roto i te mahi toi ka tīpakohia. Ko tā te kāhui kaiwhiriwhiri e whai nei he mahi toi motuhake ki te wharehou, he whakatauira i nā herena i waenanui i te hapori, nā Pirihimana, otirā nā hua e pīranihia e nā Pirihimana ki te whai.”

Ka whakawhiwhia te rinatoi ka tohua ki te pūtea $10,000 mai i tēnei mahi. Kei te tuwhera ki nā kaimahitoi katoa. ēnari, he hua ki tā te tanata rinatoi mehemea he pirina, he whakapapa tōna ki te hāpori.

Nā Matt Vivian, kaiwhakahaere mo te taha pākihi o Vivian Construction te kōrero ka whāia hoki e te kamupene nā āheina kia whai wāhi ai te hapori ki te hono.

I mua, kua mahi tahi mātou me te hapori ki te whakatutuki i ēnei momo kaupapa, pēnei i te hana uku me te āwhina i nā tauira whai tohu kāmura. He nui nā wāhana e hiahia ana kia āwhina ai te hapori i tēnei kaupapa.

Ki te kimi kōrero mō te huna e nākaunui ana mō te mahi toi, tirohia te pae tukutuku o Nā Pirihimana, te whārani Pukapuka o Nā Pirihimana o Te Moana-a-Toi me Taupō, īmēra atu rānei ki jasmin.danby@police.govt.nz.

ENDS

Issued by Police Media Centre

Related downloads

A visual representation of the new Tāneatua police base. The site has been blessed and work is getting underway.
A visual representation of the new Tāneatua police base. The site has been blessed and work is getting underway. JPG - 694KB
Tāneatua Police Base - artwork expressions of interest PDF - 229KB