He Toa Taumata Rau: the place of many brave deeds
Te aronga o te hautoa:
(o te tangata) te ū tonu ki te uaua, ki te mōrearea, ki te mamae; kāore he wehi.
(o te mahi) te whai māia, te whakaatu rānei i te māia.
Te aronga o te māia:
Ka tarea te mahi mōrearea, te kai i te mamae, te tū rānei i te ātete, kore rawa atu te wehi e kitea.
Tērā ngā mea uaua ka horahia ki mua i te aroaro, kaua hei aukati i a tātou engari hei tō ake i te māia me te kaha. Ao te pō, pō te ao, puta noa i Aotearoa, kei te mura o te ahi ngā kaimahi Pirihimana i a rātou e mahi ana mō ō rātou hapori.
Sometimes, these events begin innocently enough, but change for the worse in the blink of an eye. In these situations, the decisions and actions of these men and women can mean the difference between life and death for the people they’re engaging with, and indeed their own lives.
I ētahi wā ka timata i runga i pai, i te hara kore, nāwai rā ka huri mō te kino tonu atu i te kemonga o te karu.
Kei ēnei tū āhuatanga, ko te ora rānei, ko te mate rānei te otinga o ngā whakatau me ngā mahinga a ēnei tāne me ēnei wāhine, otirā, mō te hunga e whakapā nei rātou, me rātou anō hoki.
He Toa Taumata Rau i ngā kaimahi Pirihimana me ētahi atu tāngata kirirarau mō rātou i whakapau riaka ki kō noa atu i tā rātou ‘karanga o te mahi’. Ahakoa te whakanuia ōkawatia o ēnei tāngata toa mō tā rātou i mahi ai, arā kē noa atu ngā kaimahi Pirihimana me ngā tāngata o te tūmatanui kua pēnā hoki rātou te whakaatu i te māia, kīhai i mihia ōkawatia. Kia kīia ake i konei ko rātou he tuahangata.
Ko ngā pirihimana, ngā kirirarau me ngā kurī e kōrerotia ana kei ēnei whārangi te hunga kua whakawhiwhia ki ngā tohu tiketike hautoa i waenga i te 1951 ki te 2019 i Aotearoa. Ā, ka haere ake te wā ka āpitihia ētahi atu kaiwhakawhiwhi tohu hautoa ki ēnei whārangi.