He kirimāia ka rere ki roto i te āwhā, Te Whanganui a Tara, te 2 o Hūrae 1986
Te Mētara Tohu Toa o te Kuini
Kaiurungi Reretopa Whakarauora Kirirarau, Peter Button
Peter Button with his son Clive
I te ata o te 2 o Hūrae 1986, i totohu te poti Pirihimana o Aotearoa Lady Elizabeth II i te puaha o te Te Whanganui a Tara, tokowhā ngā Pirihimana i runga. He marangai te huarere, he ngaru tūātea 10 mita te teitei me ngā hau hutihuti rimu e 65 noti te mauhanga, ā, he ua, he uakohatu tāmutumutu hoki. Ahakoa ngā whakatūpato mō te kino o te āhua o te rangi ki te rere, ka mārō tonu ngā whakaaro o Tā Button me tana tama ki te rere atu ki taua wāhi. Tokorua ngā tāngata i kitea i te wai, ka hūtia ake ki roto i te reretopa, ka rere atu ki te ora. Ka auraki atu a Tā Button ki taua wāhi ko ia anake, nā, i muri mai i ētahi whakamātauranga maha ka haongia ake te tinana o Pouwhakarite Philip Ward ki tētahi kupenga. Ko te tūpāpaku o te tangata tokowhā o Pirihimana Glenn Hughes, kīhai i kitea. Ka ngaro whakaaitū ngā mōrehu i roto i te wā poto noa ki te kore a Tā Button me tōna ringa rehe ki te hautū reretopa me tōna māia ki te tuku i a ia anō ki te ara o aitū.
[Kāheti Rānana: 1987/11343]
[Kāheti Niu Tīreni: 1987/4057]
The daring helicopter rescue
The daring helicopter rescue
Te Mētara Tohu Toa o te Kuini (QGM)