He tangata e mate ana ki te kōhuru, Whanganui, te 12 o Oketopa 1996
Te Whakarākai Tohu Māia o Aotearoa
WSD901 Pirihimana Warren Sloss
Pirihimana Warren Sloss
I te 12 o Oketopa 1996, ka urupare a Pirihimana Sloss i tētahi waeatanga nā tētahi wahine e māharahara ana ki tōna hoa tāne o mua e whanga ana pea ki tōna kāinga. Ka kuhu tahi a Pirihimana Sloss me te wahine i te whare. E whanga ana te kaihara i muri o te kuaha, nā, ka hahau i tana naihi nui ki te werowero i a ia me te whāinga kia mate tonu atu ia. Ka haukotia e Pirihimana Sloss ka werohia hoki ia ki te naihi. Ko te wahine i werohia nuitia ki te naihi, i āhei ki te puta i te whare ki te kimi āwhina me tana whakapae tērā ka patua a Pirihimana Sloss. I te pari o te rua a Pirihimana Sloss, e toru weronga ki tōna tuarā, kotahi ki tōna puku, kotahi ki tōna tāhau matau, me tētahi motunga nui ki tōna ringa maui. Ahakoa rā i puta oraiti, i hinga tonu te tangata i a ia, i herengia ōna ringaringa, ka waeahia he āwhina. Nā āna mahi i ora ai te wahine ko ia kē te kai a te naihi, ā, i kainga kinotia hoki tōna tinana ki taua naihi.