He kōhuru i Miramar, 2 o Āperira 1978
Te Mētara Tohu Toa o Te Kuini
2453 Pouwhirinaki Melroy Huggard
Te Kupu Monoa Tohu Māia o Te Kuini
5740 Pirihimana Kerry Borrows
Te Kupu Monoa Tohu Māia o Te Kuini
5859 Pirihimana Gerard Prins
Left to right:
Pouwhirinaki Melroy Huggard, Pirihimana Kerry Borrows ko Pirihimana Gerard Prins
I te takiwā o te 7.40pm i te 2 o Āperira 1978, ka wehe tētahi tangata i tōna kāinga i Miramar, e 22 tōna pakeke, ā, he raiwhara .308 BRNO, he raiwhara .303 kūpara me te hāmanu mō ēnei i a ia. Ka pakū tana pū ki te pupuhi i tētahi kaieke motopaika e tōhipa ana, ā, pahemo paku noa nei i a ia te matā. Kātahi ia ka pupuhi i a Neil Marshall, 19 tōna pakeke, ā, mate rawa ia. E noho noa iho ana i tētahi matapihi e tīrama ana, e kōrero ana i te waea. Nā, ka tahuri ia ki te pupuhi i tētahi wahine me te whaea o te taiohi nāna rā ia i kōhuru engari i pahemo atu i a rāua tahi. I kō iti atu i te rori ka porowhiua e ia te raiwhara .303 me te hāmanu. I taua wā, e mahi ana ngā Pirihimana tokorua, a Kerry Borrows rāua ko Gerard Prins. Kāore i te maupū, ahakoa te mōhio i pūhia tētahi tangata, kīhai rāua i mōhio ake ki ngā taipitopito o taua mahi rā. Ka kite i te kaihara ka whakatata atu. Ahakoa tana whakatuma i a rāua, ka ngana ki te mauhere i a ia.
Ka tae atu a Pouwhirinaki Melroy Huggard ki taua wāhi rā, ā, ka heipū atu ki te kaihara nāna rā ia i whakatūpato ka pūhia ia ina tata anō ia. Kātahi tērā te kaihara ka turupana i te keu o te raiwhara ki te whakaupaupa i a Pouwhirinaki Huggard. I te korenga ōna i whai whakaaro ki tōna ake ora ka kōkiri ki te hopu i te kaihara, ka parea te pū ki te taha, ka peia ia ki raro.
I muri iho mai ka kitea e rima matā tūturu i te kopa matā. Ka mate ētahi atu ki te kore a Pouwhirinaki Huggard i takatū. Inā kē te māia whakahirahira i whakaaturia mai.
Ko te āhua o tā Pouwhirinaki Huggard rātou ko ngā Pirihimana, ko Borrows ko Prins whakahaere i tēnei tukinga mōrearea rawa, e hāngai ana ki ngā whakapono me ngā whanonga taioreore tuku iho o ngā Pirihimana o Aotearoa.
[Kāheti Rānana: 1979/1161]
[Kāheti Niu Tīreni: 1978/2989]
Inspector Melroy Huggard medal set
Inspector Melroy Huggard