He kōhuru tōna mahara me tētahi pirihimana tuawhenua, Tapanui, te 4 o Hune 2001
Te Whakarākai Tohu Māia o Aotearoa
GKD314 Pirihimana Geoffrey Knight
Pirihimana Geoffrey Knight
I muri tata mai o te weherua pō i te 4 o Hune 2001, i tae atu a Pirihimana Knight ki tētahi tūkinotanga whānau pātata ki Tapanui (te uru o Ōtākou). Kua ngaukino te wehi i ngā tāngata tokorua o te whare i ngā mahi a te tuakana/taina o te kaipupuri tāne i kuhu pokanoa i te whare, i patu i te tangata, ā, i kino hoki te tūnga. Ka whakatuma ia ki te patu i te wahine me ana tamariki, ā, ahakoa te tākirikiri iho ki te huaki i tā rātou kāpata maupū, tē taea. I tērā wā kua haumaru te wahine me ngā tamariki i a rātou ki tētahi rūma moe. I te korenga o te mūrere i āhei ki te kuhu i te kapata ka taui atu me tana naihi me te whakatuma tonu ki te patu. I taua wā ka tae atu a Pirihimana Knight ko ia anake, ka waeahia he taituarā Pirihimana, me te mōhio hoki ka 40 meneti pea te roa kātahi ka tae atu. Ka whakaputa te mūrere i a ia anō, ka whakahē i tōna mauherenga kātahi ka kakari ki a Pirihimana Knight, meāke ka mauheretia ia mō te 30 meneti kia tae rawa atu te Waka Patuahi o reira ki te āwhina. I muri mai ka hāmenetia te kaihara ki ētahi hara maha.