Te Rīpeka o Hōri
Ko Te Rīpeka o Hōri te tohu taiea e tukuna ana mō te taonga kei waho o te pakanga, mō te taonga rānei kāore i mua o te hoariri. E whakawhiwhia ana tēnei mō ngā mahi nui whakaharahara a te toa, mō te māia tiwha rānei i ngā wā o te mōrearea rawa. Ka whakawhiwhia ki ngā tūranga katoa o ngā ratonga me ngā kirirarau, ki te hunga hoki kua mate.
Te Mētara o Hōri
Ko Te Mētara o Hōri ka whakawhiwhia mō te taonga tiwha, ā, kāore i mua o te hoariri. Tērā pea e tukuna he rārangi hiriwa ki ngā kaipupuri i Te Mētara o Hōri ka pūruatia e rātou he mahi māia e taurite ana, ā, e tika ana kia whakawhiwhia ki tētahi GM tuarua. E wātea ana hoki tēnei tohu ki te hunga kua mate.
Te Mētara Tohu Toa o te Kuini (QGM)
Ko Te Mētara Tohu Toa o te Kuini ka whakawhiwhia ki ngā kirirarau mō ā rātou mahi māia taiea kei raro iho tōna taumata i tō tērā o te Mētara Hōri. E whakawhiwhia ana hoki te QGM ki ngā kaimahi tauā mō ngā mahi kāore e tukua auautia ana he hōnore taha tauā, pēnei i ngā mahi māia taiea kāore i mua o te hoariri.
Tērā pea e tukuna he rārangi hiriwa ki ngā kaipupuri i te QGM ka pūruatia e rātou he mahi māia e taurite ana, ā, e tika ana kia whakawhiwhia ki tētahi QGM tuarua. E wātea ana hoki tēnei tohu ki te hunga kua mate.
Te Kupu Monoa Tohu Māia o te Kuini
Ko Te Kupu Monoa Tohu Māia o te Kuini ka whakawhiwhia mō tētahi mahi māia (ētahi mahi māia rānei) kāore i mua o te hoariri. E wātea ana tēnei tohu ki te hunga kua mate.
Te Rīpeka o Aotearoa (NZC)
Ko te Rīpeka o Aotearoa (NZC) ka whakawhiwhia mō ‘ngā mahi māia nui tonu i ngā wā o te mōrearea rawa’. Ko te hoahoa o Te Rīpeka e taurite ana ki tō Te Rīpeka o Aotearoa taketake i whakamanā e te Kāwanatanga i te tau 1869.
Te Whetū Tohu Māia o Aotearoa (NZBS)
Ko Te Whetū Tohu Māia o Aotearoa (NZBS) ka whakawhiwhia mō ‘ngā mahi māia tāpua i ngā wā o te mōrearea’.
He whetū e waru ōna mata hiriwa Te Whetū Tohu Māia o Aotearoa (e whā ōna mataroa, e whā ōna matapoto). He tauaro kē te hoahoatanga i tō tēnā o Te Rīpeka o Aotearoa.
Te Whakarākai Tohu Māia o Aotearoa (NZBD)
Ko Te Whakarākai Tohu Māia o Aotearoa (NZBD) ka whakawhiwhia mō ‘ngā mahi māia rawa i ngā wā o te mōrearea’.
He rīpeka hiriwa Te Whakarākai Tohu Māia o Aotearoa e taurite ana ki tō tēnā o te Rīpeka o Aotearoa.
Te Mētara Tohu Māia o Aotearoa (NZBM) - te taha runga me te taha raro -
Ka whakawhiwhia Te Mētara Tohu Māia o Aotearoa (NZBM) mō ngā mahi māia.
He rauwhero Te Mētara Tohu Māia o Aotearoa, kei tōna taha runga te pane o Te Kuini.
Kua tāruatia ngā whakamārama me ngā whakaahua i runga i te whakaaetanga o te Tari o Te Rūnanga Kāwanatanga me te Pirimia, te Kāwanatanga o Aotearoa me te Manatū Ārai Hoariri, Kāwanatanga UK.
Mētara Kōura PDSA
He tohu kararehe māia te Mētara Kōura PDSA e whakamihi ana i te māia me te ngākaunui o te kararehe ki tāna kawenga. He mea whakatū e te Whare Haumanu o ngā Tāngata mō ngā Kararehe Māuiui (PDSA) i te tau 2001. Ināianei e mōhiotia ana ko te tohu kararehe ōrite tēnei ki te Rīpeka o Hōri. Ka whakawhiwhia te kararehe ki te Mētara Kōura PDSA mehemea ia ka whakaora i te tangata, i tētahi atu mea ora rānei i te wā e mōrearea ana mōna, i tōna ngākaunui rānei ki tāna mahi. Ka whakawhiwhia hoki ki ngā kararehe kei te ratonga tūmatanui, pēnei i ngā kurī pirihimana, kurī whakaora rānei, mehemea hoki ka mate te kararehe ka kino rānei ōna wharanga i a ia e kawe ana i āna mahi ōkawa i mua i te ātetetanga tūkino me te maupū.
Kua whiwhi a Gage, he kurī Pirihimana o Aotearoa, i te Mētara Kōura PDSA.